一個剛畢業的舊生，他的夢想是當警察。讀書時參加童軍、少年警訊，主動學習警隊的知識，裝備自己，將來考入警隊維持正義。最近跟他傾談，他的說話讓我好心酸：

「啲警察好似失晒控，亂咁打人，睇到我O晒嘴，呢啲招數唔係應該對付壞人嘅咩？我驚第時我考到，會畀人逼我做啲唔想做嘅嘢……我開始質疑佢哋係咪正義……」

言語間，我聽到他的失望，他的夢想，被瓦解了。

「當然部分示威者唔抵幫，又粗口問候又擲水樽咁，我都試過畀人問候，真係好難受！但係佢哋着住嘅制服，係象徽保護市民同正義，責任大好多！依家佢哋竟然着住制服、用過分武力去制服示威者，違背咗套制服嘅意義！」

我問他，有沒有毅力和決心，日後努力實現夢想，穿着制服維護正義、卻不隨波逐流？

「會！我一定會！如果真係要我做啲唔想做嘅嘢，最多咪去交通部！」他苦笑，也許，即使失望，他也無法放棄夢想，他仍想相信，那身制服，就是正義的化身。

我心痛。戳破他夢想的，不就是把警隊推到市民對立面、只懂在暗角偷偷竊笑的當權者嗎？

第一手消息請下載on.cc東網iPhone/iPad/Android/Windows Phone Apps