話說立法會社福界議員張國柱喺十月底證實患上惡性胃黏膜淋巴瘤，事後向立法會請咗兩個月假接受治療同休養，尋日佢單獨現身金鐘海富天橋，話最近個多月好少喺金鐘出現，知道尋晚有可能係佔領行動「最後一擊」，所以就特地帶埋自己部私伙相機前來拍照留念，記低眼前一刻。講番最新近況，阿柱透露上周五剛做完第一次電療，睇吓腫瘤可以縮細幾多，至於胃口方面就冇乜影響，現時飲食尚算正常，所以體重並冇好大變化。
張國柱帶私伙相機到佔鐘區影相。
