運輸署署長茵茵行經大埔,即有市民怒氣沖沖走上前,茵茵都未開口,市民已經連珠炮發怒轟佢。

市民︰點解有巴士可以一小時得一班車,有無搞錯?

茵茵︰無搞錯,因為客量偏低,咁做係善用資源。

市民︰咁都有市民需要搭,你叫佢哋點算?

茵茵︰其實唔難,早多一個鐘出門或者等多一個鐘。

市民︰你咁做,不如取消咗條巴士線啦!

茵茵︰好提議,我哋會列為居民建議考慮。係呢,呢度有無車出觀塘?我趕時間。

市民︰有,不過啱啱走咗班車。

茵茵︰咁點算呀?

市民︰其實唔難,等多一個鐘啦!

第一手消息請下載on.cc東網iPhone/iPad/Android/Windows Phone Apps