青年人嘅舞台海闊天空。香港廣東社團總會青年委員會早前慶祝十一歲生日，趁機畀個舞台予各青年領袖，搞個別開生面派對，社會賢達聚首中環大會堂，感受蓬勃朝氣。另一邊廂，一個意大利著名品牌舉行展覽會，場內六個高聳陳列櫃，分類展示品牌一系列創意珍藏，而揭幕酒會喺中環四號碼頭舉行，城中時尚名人紛紛到場欣賞。

廣東社團青委周年宴
喜相逢
茅台之友協會青委會主任莊家彬（左起）、中華總商會會董張俊勇、裕華國貨總監余偉傑、萬希泉創辦人沈慧林及僑界社團聯會副秘書長廖宇軒，開心聚首。

好啱傾
豐王樂食品（深圳）總經理陳浩弘（右），與福茗堂創辦人李少傑嘅女兒李蔚盈係美國南加州大學同屆校友，難怪分外啱傾。

父撐子
囝囝林凱章（左）擔大旗搞周年會慶，林健鋒當然現身打氣。

互慰問
菁英會創會主席施榮忻（右）巧遇好耐無見嘅觀瀾湖集團副主席朱鼎耀，雙方當然互相問候一番。

心思思
康泰旅行社董事總經理黃進達（中）大力推介特色遊日團，青年創業家聯盟前會長陳龍盛與太太謝嘉恩都心思思跟團玩番轉。

名牌展覽會
大開眼界
欣賞創意天馬行空嘅展覽後，名媛何明懿（左）同花店老闆娘Sue Lynn Hwa頓覺心曠神怡。

欣賞創意
愛鑑賞創意藝術嘅新世界集團執董兼聯席總經理鄭志剛，現身欣賞創意珍品。

截然不同
喺美國生活多年嘅大家樂集團主席陳裕光女兒陳浩寧（右）穿着背心裙，但丈夫趙益坤就包得密密實實。

第一手消息請下載on.cc東網iPhone/iPad/Android/Windows Phone Apps