「鋼鐵大王」龐鼎元孫女龐寵貽尋日出席國際三項鐵人賽記招,運動細胞活躍嘅佢一身運動裝現身,問到會唔會參加比賽時,佢話:「今年唔會,自己負責籌組今次活動,參加嘅運動員無論體力和意志毅力都好強,好尊敬佢哋,自己踩單車麻麻,但都想試下參加,或者今年冬天開始接受訓練。」

龐寵貽

游水、瑜伽同滑雪樣樣皆精嘅佢,六歲起就年年去外地滑雪,所以連佢一對分別現年十六歲同二十歲嘅仔女,滑雪技術都唔及得上佢,佢話自己一向小心,不過有時意外亦難以避免,滑雪時會請滑雪教練看顧仔女。咁嚟緊嘅聖誕節會去邊度玩?佢話會留喺香港,新年或會出埠滑雪喎。

第一手消息請下載on.cc東網iPhone/iPad/Android/Windows Phone Apps