大埔：林村河橋底泊滿船阻暢通
【本報訊】「成條林村河差唔多條條橋底都有船泊喺度，有時啲船仲多到好似條路咁，直情可以行過對面河！」黃先生指林村河多年來一直有船艇停泊於橋底位置，惟近年船隻數目不斷上升，不少橋底有近十艘漁船停泊，「以前都係得幾隻（船），依家愈泊愈多，如果落大雨有垃圾沖落嚟，一定畀啲船戟住！」
大埔林村河有天橋底泊滿船艇，幾乎橫跨整條河面。
海事處指一直有派船巡查上址停泊的船艇，根據記錄，有關船艇均領有有效運作牌照，無違反海事條例，惟該處會繼續留意情況，確保水道暢通及航行安全。
黃先生認為，即使有關船隻持有牌照，當局亦應留意停泊的船隻會否過多，影響河道暢通，「條河又唔係闊，但佢哋船貼船咁泊，如果後一條橋有船要開走都唔容易，萬一有咩意外撞船就唔好啦！」
