韓潮襲港，無論劇集、藝人、歌手組合同衣飾，就連化妝品都大行其道，一時間喺香港都多咗好多大大小小賣韓國化妝品嘅專門店，市場真係好大。Ann何紫綸尋日就為一個韓國化妝品牌擔任模特兒，首次見到韓星趙東赫，佢都有集郵。

何紫綸投資逾五位數字，代理韓國護膚品牌。

與其盲目追求品牌，倒不如從中發掘商機。阿Ann就透露，依家投資逾五位數，代理韓國護膚品牌。佢話：「以前就人搵我拍廣告，依家就我搵人拍廣告，自己會做埋生招牌，同埋我有班學生同靚太朋友，佢哋會跟住我用乜嘢護膚品。」

第一手消息請下載on.cc東網iPhone/iPad/Android/Windows Phone Apps