大搜查：維修保養用無腐蝕性潤滑油
市民如何才能察覺窗戶有潛在的危機？工程師學會前會長朱沛坤教路，「如果隻窗好耐無開過，開窗果陣發覺佢唔係好順，甚至完全開唔到，千祈唔好夾硬開，應該盡快聯絡合資格嘅鋁窗師傅做檢查，更換有問題嘅組件。」
平田邨不少單位的窗鉸有生銹情況。（受訪者提供圖片）
朱沛坤提醒市民，應經常清理鋁窗框邊的沙石灰塵。（資料圖片）
朱沛坤又指出，鋁窗框邊經常藏有小沙石，會破壞鉸位的完整性，應以毛巾或牙刷清理；此外，較接近海邊的單位，由於潮濕的海風容易令鋁窗及鉸位生銹，必須倍加留意，做維修保養時，應該使用無腐蝕性的潤滑油。
勿用鋁窗晾衫曬被
另一種常見的墮窗原因，就是抹窗時錯誤借力。市民清理窗戶外層時，經常會以手於窗頁位置借力，但朱警告，「咁樣做法非常危險，因為鋁窗嘅設計唔係畀人借力。一旦受力，窗鉸隨時會鬆脫，甚至斷裂；另外，使用鋁窗曬衣服、曬棉被亦是不智行為。」
