未來五年建公屋量難達標，問到運房局局長炳炳有乜嘢解決之法，佢仍然係一副唔志在嘅樣。

市民︰ 建公屋唔達標，局長你話點算好？

炳炳︰ 一個字，等！

市民︰ 三年又三年，我仲要等幾多個三年？

炳炳︰ 同你講得三年，你就應該預咗有排等啦，有云「三三不盡」嘛！

市民︰ 唔好再講廢話，依家問你解決辦法！

炳炳︰ 其實，呢樣嘢真係唔關我事。

市民︰ 房屋唔關你運房局嘅事？卸膊卸到出晒面喎。

炳炳︰ 咁依家係唔夠地起屋，我淨係管房屋，屋都未建，土地問題梗係搵波波局長喇！

市民︰ !@##$$%%%^

第一手消息請下載on.cc東網iPhone/iPad/Android/Windows Phone Apps