【本報訊】不少電子遊戲為求吸引機迷，都會加入瘋狂、刺激情節。有心理學家指，玩家會因色情及暴力內容潛移默化，即使遊戲機離手，仍有機會不時幻想當中情節。

機迷點睇
張同學：聽過呢啲Game，我自己冇乜玩，都驚細過我嘅小朋友接觸到。

洪同學：有玩過呢隻Game，喺同學屋企玩，遇到啲色情畫面我唔會玩唔會睇。

「畫面太露骨太色情，就連性交、口交嘅過程畫面都有，太誇張啦！」育有一子的惠橋英文中學家長教師會主席王雲秋指，青少年易於接觸到此類遊戲，「就算唔畀佢哋買呢隻遊戲，但都好易喺其他同學接觸到。」王指長期玩此類遊戲，擔心會影響青少年對兩性的價值觀。

「玩家以第一身打機，會令佢行為同思想上演習咗一次，就算唔玩都會不停諗。」註冊輔導心理學家唐弘智表示，有關電子遊戲的殺人、踢對方落車的情節，會增加玩家的憤怒情緒，以及同理心下降，更會對女性產生不尊重的想法。

第一手消息請下載on.cc東網iPhone/iPad/Android/Windows Phone Apps