荃灣：回收商常霸錶位無王管

回收車佔據咪錶泊位，市民泊車搵位難！荃灣居民張先生表示，路德圍一帶有咪錶泊位經常遭人佔據作廢紙回收站，「佢哋日日擺架車喺度收紙皮，霸住晒啲咪錶位，搞到想搵位泊車都難！」張又指回收商不但佔用車位，亦會將回收用的鐵籠放置行人路，阻礙通道暢順。

有回收商佔用咪錶泊位，並將鐵籠放置行人路上。

警方發言人表示，當局一直關注有咪錶泊位被回收業佔用情況。過去一年，警方接獲一宗相關投訴，並在路德圍一帶發出一千七百八十五張違例泊車的定額罰款通知書。「咪錶位係畀人泊車，唔係畀人做生意，對於呢啲濫用咪錶位嘅人應該要驅趕！」張先生直言，以票控方法難以杜絕，要求當局檢討徹底改善。