城中鏡:Jocelyn聖誕外遊「忽冷忽熱」
名模Jocelyn同老公Anthony為清潔香港運動擔任大會司儀,佢哋話每年都有參與有關運動,為香港出一分力,Joeclyn話:「希望做到有一日全港再無垃圾,希望可以喚醒大家愛惜地球。」提到聖誕節,佢話會到夏威夷同加拿大三星期,享受炎熱同寒冷兩極之旅。至於工作方面,佢透露下年係好重要嘅一年,工作上將有新突破,但未能透露,兩公婆正積極上堂學普通話同其他訓練。
Jocelyn(左起)、Anthony同Rosemary都會喺聖誕節出外旅遊。
另外,名模Rosemary都好支持清潔香港運動,而佢亦好重視環保,佢話:「我平時出街會自備環保袋,我又會盡量行路唔搭車。」至於聖誕,佢話會同未婚夫Jason到泰國三星期旅行,順道拍攝婚紗照,以爭取時間相處。問到婚期,佢話:「我會喺聖誕節同Jason傾,到時就可以落實。」Rosemary又話明年將會係忙碌嘅一年,除咗結婚外,佢會拍攝電影:「會係一部外國電影,應該會喺香港取景,但詳情未講得。」