尋日喺一個栽培創意小朋友嘅活動上，見到女藝人龔慈恩與現年十四歲嘅女兒林愷鈴同十一歲嘅兒子林卓毅嚟撐場。龔慈恩透露囡囡喜歡音樂同唱歌，囝囝就喜歡運動，兩姊弟都有玩劍擊，佢笑言：「如果佢哋有爭拗可以用劍擊嚟解決。囝囝好性急，畀佢學劍擊可以幫助佢思考，之前都有畀佢學圍棋，總之佢兩個開心就得。」被問及有冇片商同廣告商搵佢囡囡？佢話：「有好多朋友接觸，不過囡囡佢始終係得十四歲嘅學生，要讀好書先，今年中三好重要，要選科要諗前路。除非有好好嘅機會先會考慮，都係要讀好書先，真係做娛樂圈就暫時唔會，陪媽咪出席下活動就ok。」

龔慈恩（中）要囡囡（右）讀好書先，暫時唔入得娛樂圈。左為其兒子。

黃婉君唔抗拒囝囝將來讀音樂，但要主修「搵食」科目。

另外，同場嘅前組合2R成員黃婉君就透露三歲嘅大仔已懂得唱歌，有參加樂團，囝囝本身表演欲強，任何時候都會企上台唱歌。佢唔抗拒囝囝將來修讀音樂，但要先主修一科可「搵食」嘅科目。

第一手消息請下載on.cc東網iPhone/iPad/Android/Windows Phone Apps