港鐵南港島線及觀塘延線工程又要延遲通車，可惜運房局局長炳炳仍然無動於衷，你叫市民點會唔嬲？
市民︰又要延遲通車，究竟有乜嘢你哋係會準時？
炳炳︰當然有，咪就係收工囉！
市民︰仲不知廉恥，真係一塌糊塗！
炳炳︰遲到好過無到，工程唔使爛尾，算係咁啦。
市民︰……唉，樣樣基建都係咁，你可唔可以有一樣嘢係提早，威畀我哋睇？
炳炳︰當然可以。
市民︰真嘅，咁究竟係乜嘢呢？
炳炳︰隨住延遲完工，成本上漲，我可以提早話你知又要超支啦。
市民︰@#$#$%%^^
