通往立法會停車場嘅添美道仍然被佔領人士霸佔及堵塞，事件搞到每日要返立法會開會同辦公嘅議員好唔方便，有啲人將座駕停泊喺附近合法車位，有啲就違泊喺中信大廈對出迴旋處旁嘅行人路上，但又硬食牛肉乾。

立法會主席曾鈺成又點呢？使唔使疲於奔命搵車位？前日我哋發現佢嘅主席座駕停泊咗喺中信大廈停車場時租車位，仲泊足成日，睇嚟，曾主席寧願撳荷包泊車，都唔願違泊，守法意識值得一讚。現場所見，呢個停車場其實仲有好多泊位剩，究竟係咪啲議員太急趕返立法會，所以貪方便違泊呢？立法會議員係民意代表，工作又同香港法律密切相關，真係唔應該貪一時方便而做與身份相悖嘅事。

第一手消息請下載on.cc東網iPhone/iPad/Android/Windows Phone Apps