樹木辦被批評發現七萬棵「無王管」樹木,當中逾一千三百棵有問題,但花三個月仍未確定管理責任誰屬。市民於是就去搵發展局局長波波評理,卻要呆等成粒鐘。

市民︰你有無搞錯,要我等成粒鐘。

波波︰我哋嘅同事要搵處理你嘅訴求嘅責任誰屬嘛。係呢,究竟有乜嘢事呢?

市民︰仲好意思問,點解花成三個月,都確定唔到樹木嘅管理責任誰屬!

波波︰無辦法啦,負責部門多,係要花啲時間。

市民︰定係部門互相卸膊,所以搞唔掂呀?

波波︰咁……

市民︰唔好咁啦,講吓有乜解決辦法仲好啦!

波波︰哦,咁你要等多一粒鐘啦,搵解決辦法嘅責任誰屬都唔係易事。

市民︰@#$$%^^&

第一手消息請下載on.cc東網iPhone/iPad/Android/Windows Phone Apps