兒童係未來嘅希望，香港保護兒童會早前舉行周年慈善晚宴，為拓展服務籌得近三百萬元經費，賓客喺當晚穿上繽紛民族服飾，寓意愛心燃亮每個角落，不分膚色國界。同樣為善最樂嘅香港醫療專業人士協會（醫專會），早前亦舉辦慈善晚宴，城中名醫放下拘謹，同醫科生一齊夾Band獻唱。晚宴上，病愈嘅醫專會創會主席江明熙伺機答謝好友關懷，場面溫馨。

保護兒童會慈善宴
拍住上
社交名人周國豐夫婦與名媛趙式芝（中）相識多年，去Ball都拍住上。

相見歡
中央政策組全職顧問盧高靜芝（左二）與施先生等友人在晚宴相見歡。

好支持
籌委會主席周瑋瑩（左二）為籌備晚宴忙足一年，媽咪李志珊（右）、港大醫學院院長梁卓偉（左）與民政事務局副局長許曉暉（右二）現身以行動支持。

賢伉儷
養和醫院整形外科中心主任金永強拖住太太May盛裝到場。

親招呼
財經事務及庫務局局長陳家強（左起）與滙豐亞太區副主席王冬勝畀面捧場，身為主人家嘅李國棟醫生貼身招呼。

醫專會慈善夜
敬重
中大副校長及兒科講座教授霍泰輝（右）係醫學界資深前輩，史泰祖醫生都話好尊敬佢。

唱和
醫專會副主席鄭淇德（中）拉埋醫學會前會長謝鴻興（右）高唱《光輝歲月》，牙醫學會會長梁世民就在台下幫手打拍子。

撐場
甚少出席宴會嘅名醫「朱大腸」朱建華（中）到賀，與東華三院前總理黃炯強（左）齊撐相識多年嘅醫專會創會主席江明熙。

第一手消息請下載on.cc東網iPhone/iPad/Android/Windows Phone Apps