政壇：大舊石星爺捲火頭 區詠芷陪密斟拆彈
三堆一爐喺立法會遭到泛民議員一再阻撓，審極未完。有保育團體表明唔贊成擴建三個垃圾堆填區，其中，土地正義聯盟前日更聲稱，立法會議員石禮謙（大舊石）及吳亮星（星爺）疑在有關工程當中涉及利益衝突，認為二人在審議有關撥款時需要避席，呢個會唔會係新火頭？大家都關注緊。
區詠芷（左）同星爺（右）及大舊石（中）尋日喺立法會走廊密斟。
尋日立法會財務委員會開會，會前，我哋就見到環境局政治助理區詠芷喺會議室門外，同星爺及大舊石密斟，佢哋吱吱尋啲乜？會唔會係利益衝突單嘢？大舊石事後只話「天不怕、地不怕」；星爺亦話對指控一笑置之，認為有人作大、無事生非喎。
