葵涌:九巴亂泊行人過路處
葵涌石籬二期商場設有巴士總站,黃先生發現有九巴43A線的車長,時常將車輛停泊在車站內的行人過路處,對行人造成阻礙。「巴士站嘅地下都畫好晒界線啦,有乜理由啲巴士要泊喺人行嘅地方?」
巴士停泊於行人過路處,被指阻礙行人。
九巴發言人表示,基於營運需要,巴士開出服務乘客前或需在總站內停泊等候開出。由於總站位置有限,個別巴士或需在月台外其他地方停泊。該公司會提示有關總站的車長,要求車長盡量將巴士停泊在所屬月台,以免影響行人。
「巴士總站日日都咁多車出入,車長要留意,唔可以亂泊車!」黃先生希望九巴加強管理車站運作,保障行人安全。