城中鏡：王曼喜設計慈善Tee勉自強

人生有希望係港安醫院慈善基金最新推出嘅慈善T恤主題，呢款T恤每件訂價為港幣150元，由名模馬詩慧長女王曼喜（Kayla Wong）親自設計，「希望T恤」旨在傳遞逆境自強嘅訊息。王曼喜除咗設計外，仲穿上自己嘅作品，呼籲大家伸出援手。

王曼喜除幫手設計「希望T恤」外，仲親自穿上呼籲大家購買幫助有需要嘅人。

T恤背面。

王曼喜話，今次設計T恤係以簡約設計，希望「激勵大家凡事都要存有希望。T恤的背面印有『Keep Hope Alive and it will keep you alive』語句，意思是『保持希望讓你體會生命存在』。每一位購買T恤的善長仁翁，都為有需要的病患人士帶來了希望。」

「希望T恤」除咗可喺港安醫院慈善基金網站訂購外，仲喺30日舉行嘅「善跑樂行為童心」慈善活動中首先公開發售。