城中鏡:唐貝詩誓做美容達人
女人多數貪靚,潮流圈新秀唐貝詩(Lydia)尋日出席美容院活動時,透露一直幫佢哋做緊市場推廣,佢自己好重視護膚環節,仲話對美容好有興趣。
唐貝詩嘅美容之道係重視護膚。
早已開設網購平台
講到美容,一眾出席活動嘅靚女都有唔少心得,Lydia都唔例外,佢早已開設咗個網上購物平台,問佢有冇有關美容院嘅產品出售?佢話:「我搞嘅團購網有好多唔同種類嘅產品,美容資料已經有好多。」咁佢係咪有心向美容達人方向發展?Lydia微笑,露咗口風:「可以試吓同探究吓,自己都好有興趣。」