市民想為環保出一分力都唔得，皆因玻璃樽回收箱設點嚴重不足，鄉郊地區更「零回收點」，市民儲存的玻璃樽無法回收，最終當垃圾丟棄，於是市民搵環保署署長儀儀問吓有乜解釋。

市民：又話要環保，但係回收箱設點都唔夠嘅！

儀儀：唔夠即係有啦！

市民：有就有，但離我屋企咁遠，點拎住啲玻璃樽行過去呀！

儀儀：有心有力，你無心裝載啫。

市民：明明你辦事不力，仲話番我轉頭？

儀儀：為環保出力係要付出嘅，你試吓行多幾步，行去啲回收設點啦！

市民：就算我行得，其他市民得唔得呀！

儀儀：得嘅……

市民：設多幾個回收點，等市民響應先係上上策！

儀儀：至弊咁樣我要做多好多嘢呢！

第一手消息請下載on.cc東網iPhone/iPad/Android/Windows Phone Apps