呢排日圓跌至創七年新低，唔少人都打算趁聖誕節到日本玩個夠。早前，有日傍晚約六點鐘，我哋見到東瀛遊嘅執行董事禤國全現身中環歷山大廈一間餐廳飲嘢，一邊飲一邊講電話。原來佢要到樓上去開會，未夠鐘咪再打吓躉囉！講起日圓跌，禤國全即刻笑晒口，話生意確實好咗。佢仲話今年聖誕、新年市道會再好啲，事關來年農曆新年在二月份，同聖誕節時間拉得開啲，好多人有機會出遊兩次，確實對生意有正面影響喎。
禤國全現身中環歷山大廈一間餐廳飲嘢，一邊飲一邊講電話。
