非長期佔領 禁制令無效

執業大律師陸偉雄表示，長開食水是浪費食水的行為，不值得鼓勵，而且水炮灑濕地面，容易令行經途人跌倒，任何人因此受傷，設置水炮的商戶更要負起法律責任，傷者可藉此向商戶作民事索償，「你話長開水喉嚟淋花，無心整濕塊地，都仲有機會減低責任，如果有心咁做，就好難推卸責任。」

陸偉雄續稱，因水貨客無組織名目，亦不會長期佔據商戶用地，即使商戶申請禁制令，成效亦不大，「呢個水貨客阻住條路，但佢轉頭就走，無幾耐又嚟第二個，咁你都唔知告邊個！」陸表示，法律難以約束水貨行為，商戶只能安排人手站崗，將水貨客驅離私人地方。