我知道好多低級職員成日咒罵本虫，無他嘅，因為我肥上瘦下囉，我認喎，咁又點？本虫今日喺度警告咁多位壹全霉員工，你唔做，大把人等住做，你唔滿意薪酬福利，可以主動辭職，無謂阻我自肥。

肥上瘦下有乜唔合理？有乜好嘈呢？等我點醒你哋，一個打工仔有冇錢，唔在於佢月入幾多，人工加幾多，而係月尾剩番幾多。好似年年排住隊誤入淫途嘅大學畢業生，我梗係要剝削到盡，撳價撳到地底泥，然後將資源益晒自己啦！點解？因為後生仔捱得囉！

你哋份糧唔夠開飯，可以去食蕉皮橙皮樹皮頂肚，但係本虫唔同喎！我條命矜貴咁多，唔食千千聲嘅lunch會嘔o架，所以我個個月都冇錢剩。你哋就本事嘞，搵嗰雞碎咁多都可以生活，有啲人仲話成家靠晒自己，即係仲有剝削空間啦，咁點解要加你人工？畀淫賤黎知道，我都要孭鑊呀！所以肥上瘦下，係咪好合理先？

第一手消息請下載on.cc東網iPhone/iPad/Android/Windows Phone Apps