SUN搞作：SUN官場現形記：中不成英不就
有調查指港人英語能力持續倒退，更被滬、京、津趕上，問到教育局局長吳得掂有咩睇法，佢竟然一味死撐。
李衞︰有調查話港人英語能力倒退，你有乜意見？
吳得掂︰個別調查，我唔會回應。
李衞︰假如再差落去，會唔會有損香港競爭力？
吳得掂︰假設性問題，我唔會回答。
李衞︰你意思係由得佢，乜嘢都唔使理？
吳得掂︰其實，香港人啲英文都唔係咁差啫。
李衞︰你講得啱，用英文鬧人一定唔差！
吳得掂︰點解呢？
李衞︰日日鬧你啲廢官，中文唔夠用，用埋英文先可以洩心頭恨，你話點會差呢？
吳得掂︰#$$$%%%^
