在以金融、地產及服務業作主打嘅香港堅持做工業，精神分外可嘉；香港工業總會為表揚一班堅毅不撓並取得卓越成就嘅工業界人士，早前便舉行年度傑出工業家及青年工業家獎頒獎禮。另一邊廂，培育中式餐飲業新秀嘅稻苗學會換屆就職，黃傑龍交棒予新主席邱金榮，業界數百位精英雲集灣仔會展中心見證。

工業家頒獎禮
敬佩
經營床上用品生意嘅雅芳婷主席許章榮（右）不停追求新科技，精神令人敬佩，工業總會行政總裁蘇家碧讚不絕口。

奪目
中華廠商聯合會常董陳國民（左）穿着閃令令嘅禮服，中電企業發展總裁莊偉茵讚佢夠搶眼。

世家
開達集團前主席丁鶴壽嘅兒子丁煒章（左），同香港玩具協會主席湯誠正都係嚟自玩具世家，兩人對玩具特別有感情。

出眾
昌利行董事總經理林曉盈係七位青年工業家得獎者中唯一女性，零舍開心。

翹楚
電鍍業商會副會長陳偉（中）係業界首位青年工業家獎得獎者，電鍍業商會會長吳國安（右）及名譽會長徐炳江同感光榮。

稻苗學會就職宴
升任會長
黃傑龍（右）卸任稻苗學會主席升呢做會長，同佢相識多年嘅煌府婚宴集團創辦人陳首銘連忙祝賀。

絞盡腦汁
佔領行動打擊飲食業生意，稻香集團主席鍾偉平（左）同行政總裁梁耀進絞盡腦汁救亡。

正副主席
經營雞煲店嘅邱金榮（左）接任稻苗學會主席，拍住副主席曾國生為飲食界發聲。

第一手消息請下載on.cc東網iPhone/iPad/Android/Windows Phone Apps