垃圾霸路 食署疏忽清理
「喺天橋上、落都會見到有堆嘢堆喺路中心，樹葉又有，一袋袋垃圾又有，但就冇人執！」居於深水埗南昌邨的梁太每日晨運皆途經海帆道迴旋處，發現行人路面常有雜物堆積，不滿食環署未有派員清理，影響衞生。
行人路上有大量雜物堆積，被指影響環境衞生。
食物環境衞生署發言人表示，接獲轉介後即時派員巡查，發現該處花槽及行人路有垃圾，隨即安排潔淨服務承辦商清理地上雜物和花槽垃圾，以及清洗附近路面。發言人續稱，由今年年初至今曾接獲兩宗相關投訴，強調會繼續留意上址情況及採取適當行動，以確保環境衞生。
「唔係淨係留意嗰邊乾唔乾淨，唔通其他街同後巷就唔使睇？要有投訴先做嘢有咩用？」梁太認為食環署應加緊巡查保持地方清潔，以免蚊蟲及病菌孳生，危害公眾健康及環境衞生。
