香港廢柴政府財雄勢大，又多薪高糧準福利厚的局外人，周不時Call啲記者嚟發噏風，講埋晒啲無Grammar嘅英式中文，例如乜乜「對話空間並不存在」！咁鬼鍾意英國嘢，咪返英國囉！使乜喺度心繫你英國祖家，但又為「表忠誠顯實幹」，而要講啲超劣質中共式文盲語：「溝通大門一直打開」，真係唔知呢類怪雞係人定係鬼？

活在一個人鬼兩不分嘅詭異地帶，聽埋啲反智嘅偽語，再親自看到現實的真相，如果唔神經病，確係耶穌或關二哥或大鵬金翅鳥照顧有加也！

當香港廢柴政府日日派啲勁風疾草出嚟狗噏，搶盡「話語權」而不顧邏輯謬誤時，佢哋真係會自我感覺良好，將自己所講的廢話謊言，當咗係真o架！

例如，不停話有人堵路阻人搵食，要派差人協助「清場」（佢哋稱「清場」做「清理路障」），卻唔知道自己呢班超級廢柴塞滿政府決策最高層，才是最窒礙香港發展、阻礙香港人發達的垃圾！

好啦！隱喻批判方法，嗰班離地廢物高層係不懂的了！講啲實在o架啦！嗱！阻路，本欄除尋日講旺角亞皆老街百老滙電器舖門前那一排無法無天的強國人，公然撐遮賣「挨風」外，上水火車站附近（其實係成個上水區）的蝗民水客團，擾民多年，香港警方幾時聽主席話要「依法執法」？另外，家陣，元朗又多了班蝗民水客打尖爭坐小巴，迫使本土港人每每要排一兩小時才能搭到車，又有誰去執法？講「路路暢通」加「法治」？廣深港高鐵的「一地兩檢」都未傾掂就話要「直通」咗至算。此外，那個對香港小市民毫無裨益的「滬港通」，連稅制都唔清唔楚前，又話下星期「通車」，呢啲「無法而治」的混亂，就叫「法治」？哈哈……

「調理路務空間大門，一直打開」囉！哈哈！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps