上水：路牌字不一 路政署捱轟
上水新成路路牌字體不一，路政署被轟粗製濫造！「路牌啲字型、大細、行距應該有規格，點解新成路呢三個字好似細咗，又縮咗上去咁嘅？」謝小姐早前途經新成路期間，發現眼前的「新成路」路牌與背面字型並不相稱，甚至與馬路對面的新成路路牌亦有所不同，質疑路政署粗製濫造，令街道路牌出現多種樣式。
兩個上水「新成路」路牌只有一條馬路之隔，惟字體間距各異。
路政署發言人證實，派員實地視察後，雖確認有關街道名牌兩面的字體及大小一致，惟字體間距有少許不同，遂安排承建商更換，有關工程預計於月中完成。
「同一塊路牌，前後字體間距都可以唔同，真係好擔心全港咁多個路牌會再出現咩狀況，路政署做嘢要小心啲！」謝小姐希望有關當局正視問題，避免有關情況再次出現。
