城中鏡：回饋「老友記」長者日免費搭港鐵
今個月十六號（周日）係「長者日」，為回饋「老友記」們多年來對社會作出嘅貢獻，港鐵屆時將為老友記提供免費嘅乘車服務，以鼓勵老友記們多參加活動以及同親友出外走走。港鐵話，凡六十五歲或以上嘅乘客，可以喺當日使用長者八達通免費乘搭港鐵穿梭各區，但注意機場快綫、東鐵線頭等、往返羅湖同落馬洲站都唔喺優惠範圍之內，老友記可免費用八達通經港鐵入閘同出閘，八達通將唔會被扣除任何車資。
一眾老友記下周日可使用長者八達通，免費乘搭港鐵穿梭各區。
「長者日」乃每年十一月第三個星期日，自二○○四年起，長者只要出示有效「長者卡」或香港身份證，即可以喺當日享有多個公共交通機構免費乘車服務，舊年多間巴士同郵輪機構亦有提供優惠。
