除咗跟隨師傅冼國林學武學之外，擁有運動底子嘅藝人Rose陳嘉桓將於明年一月首次參加馬拉松十公里比賽，最近開始接受唔同嘅體能訓練來應戰，仲話好有信心喺一小時內跑完10K，佢話：「我本身都有跑步嘅習慣，不過喺上呢啲訓練堂之後，先發現自己之前連熱身拉筋都做錯晒，難怪跑極都咁慢同跑到腳痛。」佢又透露自己好鍾情一個運動品牌，又話跑步嘅服飾裝備絕唔可以馬虎，皆因會直接影響表現，佢又話：「一定要揀專門做運動嘅背心同風褸，因為啲褸真係會幫你計埋風速o架！」

陳嘉桓最近積極訓練，話好有信心喺一小時內跑完10K。

身材fit爆嘅Rose仲好雀躍咁話訓練令佢有意外收穫，真係一舉兩得，佢話：「其實自己一直都想練人魚線或者馬甲線，依家反而喺訓練入面畀我練到，下年可以Show吓啦！」另外，單身嘅佢揚言唔急於拍拖：「緣分恨唔得咁多，擇偶條件就係笑容好好會吸引到我，因為我個人好樂天同鍾意笑，應該陽光男孩會啱我多啲。」

第一手消息請下載on.cc東網iPhone/iPad/Android/Windows Phone Apps