經常語出驚人嘅立法會議員鍾樹根，尋日出席資訊科技及廣播事務委員會會議時，又再一次盡展所長。當講到商台同新城續牌申請時，佢話衡量一個電台表現係要睇佢嘅社會責任同影響，又話「呢個電台」長期以來偏埋一邊，造成社會撕裂，鼓動違法佔領行動。樹根之後仲話，世上冇電台係咁，喺美國如果電台唔係為國家利益，已經被人封咗嘞，咁先至符合國際標準喎。其實樹根會唔會講得恐怖咗啲呢？
經常語出驚人嘅鍾樹根又再一次「盡展所長」。（資料圖片）
