SUN搞作：少膽虫手記：二次犯罪
陰毒到冇人有嘅淫賤黎，話學生仔「被人拉仲好」，仲慫恿去衝擊APEC，惹來全城公憤，唉，我都唔明大家有乜好嬲，淫賤黎有名你叫，梗係乜嘢賤格事都做得出o架啦，佢只不過將自己嘅黑心攤出嚟獻世，就好似好多殺人犯強姦犯，落網之後都會毫不掩飾交代作案經過，喺思想上二次犯罪，呢啲係大奸大惡之徒嘅特性，冇乜好驚訝。
或者你會問，淫賤黎打住甚麼民主自由旗號，但就成日畀人鬧洋奴走狗，點解又唔出嚟反駁吓？所以話你哋，當一隻走狗畀人話係走狗，即係大成功啦，你愈鬧得狠，佢咪愈可以喺主人面前哈腰領賞囉，所以淫賤黎都不知幾鍾意人哋鬧佢走狗，有着數呀。
淫賤黎日日落佔領區，你估真係扮指揮？佢係等緊一啲正義之士出現，可以狠狠咁鬧佢走狗，鬧佢反中亂港禍國殃民，咁就very good嘞。唔信？下次淫賤黎畀人鬧，你哋睇住佢個賤嘴，梗會泛起一絲笑意，唔係吹水o架。
