清潔員洗街濺濕候車客
「嗰日等等下車，突然覺得對腳點解咁涼嘅，原來已經畀水花噴到濕晒！點解職員洗街唔用遮擋板？」侯先生每天早上均會在新蒲崗休憩處旁巴士站候車上班，發現清潔人員清洗街道時未有使用遮擋工具，水花四濺弄濕候車乘客。
清潔人員洗街時未使用遮擋設備，常濺濕候車乘客。（讀者提供）
康文署發言人強調，每星期都會派員在上址清洗地面，並承認當日下午人員清洗街道時未有放置遮擋板。該署已提醒清潔承辦商於清潔地面時，必須使用適當遮擋設備，避免水花濺濕途人。
不過，侯先生指投訴後情況未有明顯改善，要求當局加緊督促清潔人員使用遮擋設備，避免候車乘客遭殃，「依家情況係好咗啲，唔使日日濕住褲腳上車，希望康文署派職員提點下佢哋要帶遮擋板啦！」
