依家泛民主派繼續喺立法會展開不合作運動，人民力量「慢必」陳志全尋日又喺大會會議上藉要求點算開會人數「拉布」，令會議一度暫停十分鐘。
黃定光
期間議員蔣麗芸投訴慢必枱頭嘅雨傘道具與會議辯論無關係，而主席曾鈺成亦裁定有關道具同辯論議題冇直接關係，所以要求慢必收起。慢必都好聽話咁即刻收起，但就話明當講到有關議題時拎番出嚟喎。
議員黃定光睇到把雨傘道具後，就直指係「爛鬼傘」，又玩食字話把雨「傘」遲早「散」，揶揄佔領行動遲早會散場！
