城中鏡：鄭明明同助手投緣 想收做契女
人同人嘅緣分好奇妙，一見鍾情之外，原來仲有人一見投緣。「美容教主」鄭明明日前同個靚女出席一個場合，驟眼睇兩人有幾分似，唔通係佢個女？鄭明明話，呢個係佢嘅助理葉曉凌（Brooke），兩個人工作關係密切，原來私下感情都好好。
鄭明明（左）稱與樣貌相似的助理葉曉凌（右）非常有緣，想收佢做契女。
鄭明明自爆，原來好多人都誤以為Brooke係佢個女。講到兩人結緣，佢透露當初想請助理，結果第一個面試嘅就係Brooke，一睇之下，佢覺得好合眼緣所以決定聘請，其後相處落，佢慢慢發現呢個助理做嘢原來好醒目，磨合之下，感情亦愈來愈好。鄭明明笑笑口話，想收Brooke做契女喎！
