城中鏡：鄧宣宏雁投公仔 為乳癌基金出力
依家嘅籌款活動愈來愈講創意，尋日有個名人巨星手製人形公仔和白陶瓷公仔慈善拍賣活動，目的係為乳癌基金籌款。太子珠寶副主席兼執行董事鄧宣宏雁（Emily）都有出席，仲出一分力投公仔添，但佢唔肯透露自己畀幾多錢。佢又呼籲女性好好保護自己嘅身體，更話自己已40歲，絕對需要關注此問題：「我除咗沖涼時自己檢查外，每年都一定會去搵醫生做詳細嘅Body Check。」
仲有個零月就係聖誕，鄧宣宏雁都同兒子度吓節目，希望有個難忘嘅節日。
嚟緊就快聖誕，佢有咩節目呢﹖Emily話，依家正同兒子商討聖誕節嘅節目：「研究緊，不過多數都係就佢o架啦，如果我自己意思就係建議留喺香港，因為呢度嘅節日氣氛同燈飾都好靚。」不過，佢都話自己嘅工作亦唔少，啱啱榮升集團副主席：「老公咁欣賞我，我都希望符合佢期望，要努力！」
