互聯網近年成為世界主流，好多人讚嘆Google、Youtube同Yahoo對人類生活嘅改變。不過，呢啲公司起步時，一樣需要伯樂，香港科技大學嚟緊就會頒文學榮譽博士畀紅杉資本（Sequoia Capital）主席Michael Moritz，佢就係呢啲科網巨擘嘅發掘人嘞。

Michael Moritz促成一個又一個科網傳奇誕生，被譽為「矽谷風險投資之父」。唔講唔知，原來Michael Moritz加入咗紅杉公司後，主導投資上述多間著名科企，並喺2006年及2007年，連續兩年榮登《福布斯》雜誌嘅高科技促成交易者「點石成金榜」榜首。

紅杉資本所投資嘅公司市值，佔美國納斯達克市場總市值超過兩成，可想而知佢影響力有幾大，話佢改寫咗美國科技革命，甚至全國經濟，真係一啲都唔誇張！

眼光準之外，Moritz同小說家老婆Harriet Heyman都係慈善家，喺《慈善紀事報》嘅美國大慈善家排行榜中，名列13位。

第一手消息請下載on.cc東網iPhone/iPad/Android/Windows Phone Apps