SUN搞作：SUN官場現形記：另類試車
消防員機場「炒貴車」，花逾百萬公帑修車。李衞怒不可遏，即刻去搵處長軒軒，點知佢擺出一副愛理不理嘅樣。
李衞︰訓練使唔使揸到部車頭搖又尾擺？
軒軒︰喺飄移境界入面，先會有救人嘅緊張感。
李衞︰但你哋咁樣炒車法，多多公帑都唔夠維修。
軒軒︰其實我哋咁做係有原因。
李衞︰有咩原因咁巴閉？
軒軒︰你話你買車之前會唔會試車？
李衞︰當然會。
軒軒︰咁咪係囉，我哋做嘢救人如救火，難免有碰撞，依家一試就知呢啲車唔襟撞，咁下次唔買，咪慳啲錢囉！
李衞︰@@##$%^^
