富商鄭躬明嘅太太陳君宜，今年三月剛度過三十七歲生日，同鄭躬明結婚四年嘅佢近日宣布造人成功，依家懷有五個月身孕。一向好動熱愛戶外運動嘅佢，縱使大着肚子仍然去游泳，仲着泳衣拍照留念添！

大肚嘅陳君宜仍然去游泳，仲影埋泳衣照留念添！

佢尋日開心透露：「佗bb頭四個月，日日嘔到返唔到工，係最近先開始返工，不過老公都怕我辛苦，叫我休息多啲，但係要我日日留喺屋企會好悶。」問到bb性別時，佢故作神秘笑說：「秘密！」佢話依家體重增加咗十幾磅，肚子又圓又大，但見佢啲手腳仍然纖瘦，仲健步如飛，佢話近日的確好忙碌，因為佢主理嘅網站會轉為購物平台，所以經常要出外見客，佢笑言藉工作可以出街，可以紓解悶氣。

第一手消息請下載on.cc東網iPhone/iPad/Android/Windows Phone Apps