公屋升降機爛圍板投訴始換

房屋署於荃灣石圍角邨石菊樓低座展開更換升降機工程，鄭先生發現其中一部升降機圍板出現損毀。「啲圍板爛咗成個星期，凸出嚟好易整親人，點解房署都冇理？」

升降機圍板損毀，房署竟未有發現。

房署發言人表示，該大廈正進行升降機更新工程，上述升降機已完成更新，但由於同座尚有其他工程正在展開，為免運送物料時對升降機內部造成損壞，故屋邨辦事處在升降機內加上保護圍板。辦事處現已移除升降機內破損的舊圍板，並裝設新的保護圍板。

「投訴咗真係有效，部升降機爛咗嘅圍板好快已經畀人拆走咗，依家唔使再擔心整親人！」鄭先生希望房署日後多加留意，避免再發生同類事件，保障居民安全。