近期,聽得最多的一個偽語,係叫做「外國勢力」。

話明係「外國」的勢力,即係與「本國」相對而論的吧!咁!台灣的,算不算係「外國勢力」呢?如果唔算係,咁!若台灣真的搞搞震,又算不算「顛覆祖國」呢?或拉到的台胞亂黨,應否判佢哋「叛國」呢?

大陸記招吹風會發言人經常指摘「外國」干擾中國內政,但當日本有領導層去參拜靖國神社時,大陸發言人卻劑劑都說三道四,譴責日本,咁做又算不算是以外國勢力去干擾人家的內政呢?這些極大的高深問題,真不是我等無知小蟻民之知識範圍內所理解的!

在香港特區內,最無資格批評「外國勢力」的係前朝舊電池,曾拿公帑到英國受訓,佢哋被市民唾棄後,又直奔美國這個最大的外國勢力境內,學外國勢力的思想理論,返港後,不是借故丟書包拋外國勢力論述嚇鬼,就是請佢跟過的外國勢力老師來港講Talk,宣揚外國勢力意識!

香港廢柴政府既然知道「外國勢力」正在破壞香港,咁仲唔停止派人去英國蘇格蘭場學嘢?又唔阻止外國人入境?既然人家來港投資,為自己權益發聲做啲嘢,咁算是好正常啫!中國大陸人到處去做生意,咪一樣諸多要求?

當地球愈來愈平的時候,「地球村」是無邊界的世代,與外國接軌的趨勢是不能逆轉,仲分「中外」?不如返去文革閉關封國吧!真大倒退!

彭志銘

次文化考古學家,對城中潮語有深入研究,博徵博引,廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps