城中鏡：陳維安厲害 單手夾7磚
一向形象斯文嘅立法會秘書長Kenneth陳維安，估唔到身手都幾敏捷。大家唔好誤會，講緊嘅並唔係因為班泛民主派議員經常喺會議廳衝出座位抗議，而要Kenneth截住佢哋，所以日子有功。
陳維安（右）日前出席晚宴時，表演單手夾7磚，十分厲害。
話說Kenneth日前出席一個晚宴時，臨時被捉上台玩雜耍，佢氣定神閒，大方接受挑戰。個遊戲係要Kenneth單手拎木磚，再逐個加上去，睇吓最多可以夾到幾多個木磚而唔會跌。佢即學即用，結果成功夾到七個，都算厲害。唔知係咪因為佢讀過應用數學，所以識得計算當中要用嘅力學而捉到竅門？佢就笑稱唔關事，只係好彩喎。
