台灣將喺本月底舉行連場地方選舉，立法會議員陳克勤、新界社團聯會理事長陳勇等人一同前赴台灣觀戰取經，先喺台北重點考察兩名重點候選人嘅選舉情況，其後又轉赴新竹、台中等地觀選，佢哋更發現當地各黨派候選人，每逢選舉都會舉行大大小小嘅「流水宴」，供任何有興趣享用的人士享用。

陳克勤（左四）赴台觀選戰，特別查詢「流水宴」。

就此，克勤仔特別查詢喺當地舉行「流水宴」係咪法例所容許，答案係台灣有關選舉法例係容許，大部分人都認為好正常，特別係台灣中南部較重鄉情嘅地區，更認為係重情誼嘅表現喎。

但話雖如此，有熟悉台灣選舉法例中人話，為選舉造勢，提供適度茶水、便餐係可以，惟「流水宴」係咪一刀切符合當地法例，有值得商榷嘅餘地，一句到尾，莫非有人想為平時嘅蛇齋餅糉合理化？

第一手消息請下載on.cc東網iPhone/iPad/Android/Windows Phone Apps