佔領行動持續個幾月,旺角示威區擺放「關帝廟」神壇拜關公之餘,更用來作為路障,仲有愈來愈多人喺度上香「參拜」,香火鼎盛蔚為奇觀。早前我哋喺一個活動見到孔教學院院長湯恩佳,唔知佢點睇呢個示威文化,示威者咁做又係咪對關帝不敬呢?

湯恩佳話關帝形象正氣,同示威者唔同。

啱啱喺馬來西亞返港嘅湯恩佳似乎唔係好認同示威者咁做,佢話關公係正義勇武嘅象徵,形象正面而且備受尊重,依家啲示威者長期霸佔街道,行為已對社會造成滋擾不便,佢皺晒眉話:「關公都唔係咁樣嘅」!言下之意,好似覺得關帝畀人擺咗上枱咁。

佢仲話參與佔領嘅學生應該讀多啲書,增長個人知識,他日成為社會棟樑後,再用個人實力同適當方法去改善社會問題,咁先至係最實際喎!

第一手消息請下載on.cc東網iPhone/iPad/Android/Windows Phone Apps