中瑞混血模特兒Ase Wang王惠敏,由於自細受到家族經營髮型屋生意薰陶,對充當髮型師產生咗濃厚興趣,佢透露近年同朋友合資喺泰國曼谷大搞呢門生意,第一間開咗一年左右,今年再開埋第二間喇!咁自己有冇幫人剪髮?佢話:「好可惜冇呀,因為平日工作太忙啦,拍戲之餘,又要主持電視節目,真係冇時間可以親手幫人剪。」

Ase Wang喺泰國曼谷經營髮型屋,今年仲開埋第二間。

Ase Wang髮型屋只係招待男士。咦!唔招待女士,咁咪少咗好多生意?唔多划算喎。之不過,佢認為咁先係髮型屋嘅一大特色,佢話:「我覺得男性市場大啲,佢哋通常差唔多兩個星期就要剪一次頭髮啦嘛。」

第一手消息請下載on.cc東網iPhone/iPad/Android/Windows Phone Apps