城中鏡：趙金卿孫女百日宴 收禮塞滿房
名媛Kathy趙金卿前日為孫女Kinsley舉行百日宴，佢包咗馬會廳房，出席的親友逾二百人，由佢埋單，作為送畀孫女嘅大禮，出席嘅好友包括藝人羅霖、楊小娟同翁嘉穗等。
趙金卿妹妹成晚抱住肥嘟嘟又可愛嘅Kinsley見朋友。
趙金卿（左）孫女開百日宴，藝人羅霖（右）親致賀。
小Kinsley肥嘟嘟，雖然頭髮唔多，但仍然戴上花花頭帶，非常可愛，成晚Kathy胞妹抱住佢見朋友，Kathy大讚孫女唔怕陌生，又話：「叫佢個名，佢會識笑，尋日嗰度都好多BB，好多都喊，但佢就完全無喊，唔怕陌生，其實前一晚佢先打咗預防針，仲擔心佢唔舒服會扭計，好在無。」
Kathy話收到好多朋友送嚟嘅禮物，擠滿一間房間，有珍珠鑽石胸針，又有金牌，仲有朋友送上五萬元現金大利是，佢話：「好開心，我啲朋友好錫我，連對我個仔都咁好，依家連我孫女都錫埋。」
