SUN搞作：SUN官場現形記：畀住先
有市民喺港鐵撞到港鐵署理行政總裁權權，市民上前大呻「冇錢」，究竟發生咩事？一齊睇吓。
市民：冇錢喇、冇錢喇！
權權：做咩大嗌冇錢？
市民：唔係我冇，係你冇啫……
權權：我假假地都叫CEO，點都有啲錢嘅……
市民：有你就唔會想住嚟搶啦！
權權：搶？邊有呀？
市民：高鐵工程資金明年底就乾塘，你哋諗住向政府提出追加撥款，咁樣仲唔係想搶我哋納稅人嘅錢？
權權：唔係……起好咗高鐵，大家都有益，你都係得益者嚟o架嘛！
市民：唓，工程會唔會延誤係未知之數，咁仲要我等多幾年先可以「得益」？
