政壇：陳恒鑌赴台為保育取經

放完暑假之後，立法會喺十月復會到依家只有一個月左右，立法會議員阿Ben陳恒鑌早兩日就決定放自己幾日假，之不過唔係去遊山玩水，係趁機到台中就當地文化保育工作取經。

陳恒鑌身後充滿藝術氛圍嘅地方，原是歷史悠久嘅衞生院。（互聯網圖片）

阿Ben尋日喺社交網站上載幾張用磚頭砌成嘅舊式建築物，原來呢個建築物係歷史悠久嘅衞生院，但經當地政府活化後變成一個充滿藝術氛圍嘅地方，吸引唔少當地年輕人進駐賣手信同雪糕。

佢又讚嘆，台灣方面近年鼓勵各地致力活化古舊建築，為當地注入新動力，值得香港政府多加倣效喎。